KAUPANGER IL
FOTBALL
Fotballgruppa i KIL samlar store og små som elskar spelet! Her finn du informasjon om laga våre, treningstider, kampar og nyhende frå klubben.
Bli med og støtt lokalfotballen – saman byggjer me vidare på den grøne stoltheita!
Verdigrunnlag
Kaupanger fotball ynskjer at fotball skal vere moro for alle. Me ynskjer å stå for sunne haldningar og bruke Fair-Play prinsippet. Kaupanger ynskjer å gi eit godt tilbod til barn og unge som er tilpassa den enkelte sitt nivå. Kaupanger ynskjer også å gi eit breiddetilbod på seniorsida slik at alle som vil har eit tilbod. Laga skal ha eit stort innslag av lokale spelarar frå Kaupanger. Toppsatsinga på damesida er i samarbeid med Sogndal Fotball flytta inn i den nyoppretta klubben Sogndal FK Damer frå 01.01.2022
Verdigrunnlaget vårt er:
Kompetent
Me ynskjer å ha god struktur på organisasjonen slik at me lagar eit grunnlag for kontinuitet og stabil drift. Me arbeider for at våre tillitsvalde skal vere skulerte til å gjere ein god jobb både sportsleg og administrativt.
Inkluderande
Alle rollar store og små, er viktige for at KIL skal bestå. Me behandlar kvarandre med gjensidig respekt og tillit, og alle som ynskjer å spele fotball i Kaupanger skal få lov til det.
Lagspelar
Saman gjer me kvarandre gode - internt i laga, mellom laga, mellom gruppene i idrettslaget og i bygda. Me er engasjerte i klubben vår.
Gjennom våre målsettingar og verdiar, ønskjer me å vere ein viktig samfunnsaktør i Kaupanger.
Kaupanger IL, Sogndal Fotball og NFF Sogn og Fjordane jobbar saman for å styrke jente- og damefotballen i regionen.
Målet er å sikre eit stabilt førstedivisjonslag i Sogndal og skape berekraftige utviklingsmoglegheiter.
FOR Å LØFTE DAMEFOTBALLEN
Samarbeidsavtale
I 2025 er samarbeidet fokusert på:
Heimekampar på Campus Fosshaugane
Felles treningsøkter i Sogndal og på Kaupanger
Gratis treningstilbod på Spenst
Morgonøkter i skuletida (i samarbeid med SVGS)
Leksehjelp til hybelbuande SVGS-elevar
Klubbhandbok
I klubbhandboka til Kaupanger Fotball der det står beskrive korleis me ynskjer å jobbe i fotballgruppa. I klubbhandboka er det vist til andre dokument, t.d. sportsplan. Den finn de også på denne sida. Ikkje alle dokument som det er referert til i klubbhandboka vil de finne som opne dokument her. Ta kontakt med fotball@kaupangeril.no dersom de har spørsmål om andre dokument eller om de har kommentarar og innspel til det som står i klubbhandboka.